免費、免費同免費

大家好呀～ 又係我喇。
我地係Crosspoint Chinese Church 嘅大專團契 -- Brick！

我地今個weekend為你地預備左一個免費、免費同免費嘅活動呀。

首先，喺9月5日（星期五）晚，由加拿大嚟嘅詩歌樂隊 "Channel" 將會喺我地教會舉行一個福音性嘅音樂會，誠邀你嚟同我地一齊聽下歌仔。入場費？無呢樣野！你唔使帶任何野嚟（如果你想完左之後一齊去食野嘅話另計），剩係記得帶你對耳仔就得嫁喇！

跟住，緊接住嘅星期六晚，我地再邀請你嚟我地教會，因為我地為你搞左個Free Dinner!! 無錯無錯，你無睇錯！呢個Dinner你一蚊都唔使俾，又係可以咩都唔帶，我地剩係想你帶個胃嚟。歡迎你嚟，等我地可以識下你，又可以等你識下新朋友仔，又或者你有咩問題，歡迎你嚟問我地 =]

好野梗係唔好俾佢停啦～
星期日，梁燕城博士會嚟我地教會同我地分享咩係《福樂滿載的人生》，將我地基督教最寶貴嘅信息免費話俾你知。呢個活動亦都係同上面嗰兩個一樣，你可以咩都唔使帶（但係如果你想同我地一齊食lunch嘅話就帶定少少銀兩啦），剩係帶你成個人嚟，嚟感受下我地上帝嘅愛就得喇 =]




最後提番你一樣野：如果你去星期五晚或者星期六晚嘅活動的話, 記住記住話比 Host Family 聽唔駛留飯同埋會夜返喎！

無謂等佢地打鑼咁周圍搵你吖嘛～



花